ՁԵՐ ՔԱՅԼԸ ԴԵՊԻ ՏՏ ՈԼՈՐՏ

Հայաստանում ՏՏ-ն ամենաարագ զարգացող և ամենաբարձր վարձատրվող ոլորտներից է և այն որակյալ աշխատուժի մեծ պահանջարկ ունի․․․ և ոչ միայն ծրագրավորողների։ ՏՏ ոլորտին պետք են մարքեթինգի, անձնակազմի կառավարման մասնագետներ, նախագծերի ղեկավարներ, հաշվապահներ, պրոդուկտի մենեջերներ և շատ այլ ոլորտների մասնագետներ։

ՏՏ ոլորտի ընկերությունները մշտապես համագործակցության մեջ են միջազգային գործընկերների հետ և պետք է համապատասխանեն աշխատանքային մշակույթի գլոբալ, զարգացող չափանիշներին և ապահովեն աշխատանքի և հաղորդակցության համապատասխան որակ իրենց բոլոր բաժինների և մասնագետների կողմից։

ՏՏ ոլորտում ներգրավվել ցանկացողների համար պարտադիր պայման է թվային գրագիտությունը, բիզնես հաղորդակցության հիմունքներն իմանալը, ժամանակակից առցանց ծրագրերից և ծառայություններից օգտվելու հմտությունները, ինտերնետային տիրույթում ապահով և անվտանգ գործելու կարողությունը։


Եթե ցանկանում եք աշխատանքի անցնել բարձր վարձատրվող և առավելություններով հարուստ ՏՏ ընկերություններ և ունեք անգլերենի բազային կամ միջին իմացություն, այս դասընթացը կօգնի ձեզ բարձրացնել ձեր թվային գրագիտության մակարդակը սովորեցնելով այն հիմնական գործիքներն ու մոտեցումները, որոնք խիստ անհրաժեշտ են ՏՏ ոլորտում աշխատող բոլոր մասնագետներին։